END-in lirthei 18 an sem chhuak

Excise & Narcotics department (END) chuan tun hnaiah Mizoram sorkar aṭanga lirthei 18 an dawng a, chu'ngte chu nimin khan a hmangtu tur station hrang hranga mite hnenah an sem chhuak.

END-in lirthei a dawnte hi Mizoram sorkar leh Transport department kaltlanga SASCI aṭanga leite a ni a; Mizoram sorkar aṭangin Eeco van panga, Bolero Camper pali, Scorpio pakhat leh FZ bike pali bakah, SASCI aṭangin Bolero B6 pali a ni.

END chuan, lirthei an dawnna tura hma laksaktu Finance enkawltu chief minister Lalduhoma leh Excise & Narcotics minister Lalnghinglova Hmar te chungah an lawm thu an tarlang.