Kum 11 chhungin Drug licence 1,375 siam

Health department chuan kum 2004 leh 2014 inkar chhungin damdawi zawrh phalna, drug licence 1,375 a pe chhuak a, hemi hun chhung vek hian drug licence 325 an titawp (cancel) thung.

Health department website-a tarlan danin, kum 11 chhunga drug licence an pek chhuah tam ber kum chu 2012-ah a ni a, licence 221 pek chhuah a ni. Licence pek chhuah tlem ber kum, 2006-ah licence 42 pek chhuah a ni. Kum 2013-ah licence pek chhuah a awm lo thung.

Kum 2004-2014 chhung vek hian drug licence kaihhnawiah thubuai Court thlenpui 44 a awm a, thubuai awm tam ber kum, 2004-ah thubuai 17 a awm a ni.