YMA-in Cat-I-a Chakma dah ṭha lo an ti

YMA Central Executive Committee chuan, State Technical Entrance Examination (STEE)-a Category I-a Chakmate telh an ni leh ta chu ṭha lo an tih thu an sawi a; ram dang aṭanga dan loa Mizorama lutte dan an nih theih nan ṭan lak zel an tum.

July 18, 2015-a Central YMA Com­mittee Room-a YMA CEC meeting chuan, dan loa ram dang aṭanga Mizo­rama lut an tam lutuk chu an ngaimawh thu an sawi a; khaw tinah Village Population Register hmanga khua leh tui dik tak hriatna tura an hmalakna chu chak zawka bawhzui theih nan sorkar dawr leh ni se, an ti.

CYMA chuan, Mara Thyutlia Py (MTP) leh Young Lai Association-te nen thawhhona ṭha zawk neih a nih theih nan ṭan lak an rel a; MTP leh YLA hruaitute chu September 2015 chhungin kawm a, ram leh hnam ṭhatna tura thawhhona ṭha zawk neih dan tur sawipui an rel a ni.

YMA CEC chuan, Mizoram Synod nen ruihhlo ngai leh humsual daite puala August 4-24, 2015 chhunga Beraw Tlanga camping an buatsaih tur chu a hlawhtlin theih nana ṭawngṭaipui turin Mizo mipuite an ngen.