July 18-ah ruang pahnih chhar a ni

July 18, 2015 zing khan Chite lui kamah mipa ruang chhar a ni a; Aizawl-Sairang NH-54 kawngpuia Mining checkgate bulah mipa ruang chhar a ni bawk.

Aizawl Police Station aṭanga thu dawn danin, Inrinni zing khan Chite lui kamah Lalmalsawma (27) s/o Lalpianmawia, Ramthar Veng ruang chhar a ni a, a taksaah hliam hmuh a ni lo. Taxi khalh ṭhin a ni a, a chhungte'n amaha che­suala thi nia ringa an dil angin postmortem loha vui a ni.

Inrinni zing vek khan Aizawl-Sairang kawng­puia Mining check­gate bulah Lal­tlanliana (49) s/o Hranghnema (L), Tuikual North chu thia hmuh a ni a; ani pawh hi a taksaah hliam hnuhma a awm lo a, a chhungte'n an dil angin postmortem lohin Inrinni vek khan vui a nia thu dawn a ni.