Larsapin Special Olympics-a tel turte thlah

July 23-3 August, 2015 chhunga Los Angeles, USA-a Special Olympics 2015-a tel tur Mizo pasarihte chuan nimin khan Aizawl an chhuahsan a, Governor Lt.Gen. Nirbhay Sharma-a'n Raj Bhavan aṭangin a vai liam.

Larsap chuan fuihna thu sawiin, "Mizoram sorkar leh mipuite'n kan thlawp tlat che u a, zâm loin theihtawp chhuah ang che u," a ti a, Mizoramah medal hawn tum ngei turin a chah.

Special Olympics 2015-ah hian India aiawh in infiammi 301 an tel dawn a, hmarchhak state aṭang chuan Mizo infiam­mi paruk leh Assam aṭangin mi pahnih thlan a ni.

Tarlan tawh angin, Mizoram aṭang hian football-ah mi panga Alfred Lalchhanhima s/o R Zonunmawia, Lalmawi­zuala s/o Lalhmangaiha (L), Thanghmingliana s/o Vanlalrema (L), Lalfakzuala s/o Lalhming­thanga leh Lalthansanga (unified partner) te an tel dawn a ni.

Hmeichhiaah athletics (100 & 200 metre) ah Zohlupuii d/o Zothankima (L) a tel ang. Infiammite bakah hian India hmeichhe basketball team head coach turin Sarah Lalmuankimi thlan a ni bawk.