Fisheries Minister-in sangha dil a enfiah

Fisheries minister Dr BD Chakma chuan, tun hnai khan Champhaia Fisheries department hmunhma leh mimal sangha dil, department aṭanga ṭanpuina dawngte a tlawh a, an hnathawh dan a enfiah.

BD Chakma chuan sangha khawitute chu an hmalak dan leh harsatna an neihte zawt a; hlâwk zawka sangha an khawi theihna turin department mithiamte thu leh hla ngai pawimawh thiam turin a chah. Minister hi Fisheries secretary Lalthlamuana leh joint director OP Singh-te'n an ṭawiawm.

Fisheries department tarlan danin, Champhai district pumah sangha khawi­tu mi 1,451 an awm a, an sangha khawina dil zau zawng belh khawm chu hectare 348.90 a ni. Kum 2013-14 chhung khan sangha quintal 878.72 an thar chhuak a ni.