INTACH-in Heritage Quiz an buatsaih

INTACH Mizoram Chapter leh School Education directorate chuan, July 18, 2015 khan Mizo High School, Aizawlah All India Heritage Quiz 2015 an buatsaih a; skul 13 aṭangin pawl 7-10 zirlai 102 an tel.

Heritage Quiz-ah hian quiz master chu A Bhattacharya, National Institute of Technology (NIT) Mizorama lecturer a ni a; pakhatna chu Vanzampuii leh Akash Jyoti Sahoo, St. Pauls Higher Secondary School-a Class-IX zirlaite an ni.

Heritage Quiz hi India ram hmun hrang hranga mi te, a bik takin sikul naupangte'n hnam rohlu vawn ṭhat a ṭulzia an hriat theihna tura buatsaih a ni a; state level quiz-a thiam ber team chu hmarchhak state danga pakhatnate nen regional level quiz, Guwahati-ah an inel ang. Regional level-a pakhatnate chu Delhi-a final-ah an tel leh dawn a ni.