Scho' dawng tur dawng lo 32 hmu chhuak
MZP headquarters, Champhai chuan Champhai district chhungah kum 2015-a minority scholarship hmu zirlai, an zirtirtute'n pawisa an pek loh zirlai 32 an awm tih an hmu chhuak.
Champhai DC H Lalengmawia'n phalna a pek angin Champhai MZP-te hian sikul naupang minority scholarship dawng tur dawng lo an awm leh awm loh an dap mek a; tun kar tìr khan khaw paruk - Sesih, Dungtlang, Thekte, Khankawn, Farkawn leh Dilkawn tlawhin, scholarship dawng tura thlan si, pawisa pek loh zirlai 16 an hmuchhuak a; Champhai khaw chhung bikah zirlai scholarship hmu tur, pawisa dawng si lo zirlai 16 an hmu chhuak bawk.
Champhai MZP-te hian sikul pakhatah chuan scholarship dawngte Rs. 500 zel an lak ṭhensak te, sorkar sikula fee chawitirte leh chawchhun ei mumal lohna sikulte pawh an hmu chhuak a ni.