Minister-in Special Olympics-a tel tur thlah

Sports minister Zodintluanga chuan, nimin khan a pisaah Special Olympics World Summer Games, Los Angeles, USA-a neih tura India aiawha Mizo paruk tel turte a thlah a, duhsakna a hlan.

Zodintluanga chuan, Special Olympic-a tel turte chu fuihin, "India aiawhin in kal dawn a, a hruaitu tan pawh a buaithlak viau ang tih chu a lang reng a. Ka lawmpui takzet che u a, sorkarin scheme kan lo nei ve a, duhsakna kan lo hlan che u a ni," a ti.

Special Olympics World Summer hi July 23, 2015 aṭangin Los Angeles, USA-ah neih a ni dawn a; India aṭangin infiammi leh anmahni enkawltu mi 301 an tel dawn a, India team-ah hian Mizoram aṭangin naupang paruk leh coach pakhat an tel a ni. Mizote hian naktukah Aizawl an chhuahsan ang.

Special Olympic-a Mizo tel turte hi Mizoram sorkarin scheme a neih anga lawmman an dawn theih aṭangin Mizoram State Sports Council secretary C Laltlanthanga'n Rs. 10,000 ṭheuh a hlan a hlan a ni.