Congress party-in ngaihdam an dil

Mizoram Pradesh Congress Committee chuan thuchhuah siamin, an party chanchinbu, Congress Thlifim-a pastor zinga MLPC Act do nasa thlanna tura questionaire an siam chu pawi an tih thu an tarlang a; Congress Thlifim chu tihtawp a nih thu an puang.

MPCC thuchhuah chuan, Congress Thlifim-a questionnaire-a 'Tunge sorkar policy do?' tih thupui hmanga thu an chhuah chu pawi an tih thu sawiin, "Mizoram mipui leh kohhran chungah ngaihdam kan dil a, questionaire hi party thuchhuak ni loin, chanchinbu enkawltu mi tlemtê tih a ni. He thil hian party hruaitute pawh a barakhaih bakah, tumahin ṭha an ti lo a ni," an ti.

MPCC thuchhuah chuan, questionnaire vanga MPCC Media department Chairman James Thanghmingmawia leh secretary David M Thangliana ten bânna an thehlut chu lawmawm an tih thu a tarlang a; publisher-te'n bànna an thehluh tâk avangin thu leh awm hma chuan Congress Thlifim chanchinbu chu tihtawp a nih thu a puang bawk.