Kum 2024-25 ah kuhva vangin Police-in mi 159 man tawh

Home minister K Sapdanga chuan nimin khan Assembly session-ah BJP member Dr K Beichhua zawhna chhangin, sorkar kum kal mek (2024-25) chhungin dan loa kuhva phurh vangin police-in mi 150 an man tawh thu a sawi.

Dan loa kuhva phurh vanga man mi 150 zinga pahnih chu regular case siamsak an nih thu sawiin K Sapdanga chuan, "Mi 148-te chu Customs Preventive Force hnenah an kuhva mansakte nen hlan chhàwn a ni," a ti.

Home Minister sawi danin, sorkar kum kal mek 2024-25 chhungin police-in dan loa kuhva phurh ip 18,310 (kg. 12,79,628) an man tawh a, cheng vbc. 23.99 hû vela chhût a ni.