Vigilance Awareness Week

Sorkar laipui hnuaia Postal department, Mizoram chuan nimin aṭang khan Vigilance Awareness Week an hmang ṭan a, November 2, 2020 thleng a awh ang. Nimina Week hawnnaah hian integrity pledge (thutiam) chhamin bul an ṭan a; hapta chhungin kawng hrang hrangin hun an hmang dawn a ni.

Mizoramah hian Department of Posts hnuaiah head office pakhat, sub-office 38 leh branch office 341 a awm a, dâk leh saving scheme hrang hrang hmangin hna an thawk mek. September 1, 2018 aṭangin banking lamah hma an la ṭan a, tunah hian banking access point 231 an hawng tawh a ni.