Medical Operational Team an ṭhukhawm

Covid-19 Medical Operational Team chu nimin khan chairman Dr ZR Thiamsanga, MLA hoin a pisaah an ṭhukhawm a; Mizorama Covid-19 darh zel dan leh dinhmun thlirin an thlirho.

Dr ZR Thiamsanga chuan, Covid-19 hripuiin rin phâk bâka nasaa mipui vantlang a luhkhung tawh avangin ṭan lak nasat zual a ngaih thu sawiin, "Vaccine hman theih a awm hma thla tlemtê la awmah hian kan dam tlân hram hram a ṭul," a ti a; ṭul tàwpah lo chuan páwna chhuak lo a, mahni ina tawm hram hram turin mipui a ngen.

Ṭhutkhawmah hian, Covid-19 discharge protocol, quarantine period, contact tracing leh test chungchangte sawiho a ni a; tun aia ṭha leh zuala kalpui a nih theih nan sorkarah rawtna thlen ni se, an ti.