City-in Australia an thleng

Manchester City chuan Ningani khan pound maktaduai 49 man Raheem Sterling hoin Australia an thleng. CBus Super Stadium, Queensland-ah Melbourne City nen an inkhel ang a, MCG, Melbourne-ah Roma (July 21) leh Real Madrid (July 24) nen an inkhel leh ang.

City manager Manuel Pel­legrini chuan Sterling chung­­chang sawiin , "A man chung­chang hi sawi thiam harsa. Pound maktaduai 30 leh pound maktaduai 40-a kan dawrna an hnawl a, lakluh kan duh chuan pound maktaduai 49 kan sen a ngai a ni. A man to leh to loh chu a khelh ṭhat leh

ṭhat lohah a innghat ang. Player kan mamawh ang nei turin thil tam tak chhut a ngai, player man ringawt sawi hi a fuh ber lo," a ti.

City captain Vincent Kom­pany pawhin Sterling chung­chang sawiin, "Kan la lut thei hi kan lawm hle a ni. Season hman zawh tak ni loin khami hma season-a Sterling-a chet dan khan kan mit a tlung a ni. Suarez leh Sterling kha an inkawp rem a, Suarez awm loh khan Liverpool an buai hle. Kan team-ah hian Sergio Aguero leh Wilfried Bony te kan nei a, Aguero hian nasa takin Sterling hi a pui theih ka ring," tiin City-ah Sterling a buai a ring lo.

Sterling hian 2013-14 sea­son khan league match 33-ah goal kua a khung a, nikum khan league match 35-ah goal sarih a khung.