Pawisain a khalh kal nih a thiang lo - ZPM Ṭhalai President

ZPM party chuan nimin khan Tlangnuam, Aizawlah ṭhalai unit an din a, an hun hmanpuitu ZPM Ṭhalai president Malsawmzuala chuan, "Pawisain a khalh kal nih a thiang lo a, mahni hlâwkna tur chauha thâ thawh peih mi tan ZPM-ah hmun a awm lo," a ti.

Malsawmzuala chuan, 'Sum tel loin a chêt theih loh' tih chíngte chu ZPM hmelma an nih thu sawiin, "Intodelh rilru púa tlawmngaih chhuah fo zawk turin ZPM ṭhalaite ka ngen. Pathian thuawih, kohhrana tel tlat, khawtlanga inhmang tlat, ṭawngṭai mi, Bible chhiar ngaina mi kan ni tur a ni," a ti.

ZPM ṭhalaite zinga zu in ṭhin leh ruih theih thil ti ṭhin an awm a nih pawhin Pathian ṭanpuinaa sim tura ngenin Malsawmzuala chuan, "ZPM Ṭhalai chêt velnaah zu leh ruih theih thilin hmun a chang tur a ni lo," a ti a; páwl anga thil an tih dawn apiangin Pathian hnena inhlàn phawt zel turin an party ṭhalaite a chah a ni.