KHAWTHLIR

Mizo thalaite hmasawnna sawiho
Progressive Mizo Society chuan, nimin khan Aizawla IPR Auditorium-ah Mizo Ṭhalaite hmasawnna tur kawng inkawhhmuhna, 'Orientation Training for Progressive Mizo Youth' an huaihawt.

Heroin man
Excise & Narcotics department-a Anti-Narcotics Squad-te chuan nimin zing dar 4 khan heroin gram 168 leh a neitu pahnih - Lalrinawma (21) s/o Vanlalchhuana leh Rodingliana (18) s/o Hramvunga, Zokhawthar ve ve nia insawite an man. Ruihhlo neitute hi NDPS Act 1985 tlawhchhanin thubuai siamsak an ni.

Zirlai lawmpui
MZP headquarters, Mamit chuan nimin khan kumin HSLC, HSSLC leh degree course exam-a ti))ṭhate chawimawina hun an buatsaih a, bialtu MLA John Rotluangliana, minister-in a hmanpui.

NLUP sum sem
Champhai district chhunga NLUP hnuaia sial leh bawng vulh thlangtute hnenah nimin khan ṭanpuin pawisa hlan a ni. Ṭanpuina hi Champhai Distribution Centre-ah chhungaw 14 hnenah leh Hnahlan Distribution Centre-ah chhungkaw 175 hnenah ran vulh tur leina atan Rs. 60,000
ṭheuh sem a ni.

Kîr duh awm lo
Tripura-a Asapara camp-a Bru-te enfiah hna chu nimin khan chhunzawma zawh a ni. July 13, 2015 aṭanga enfiah hna thawh aṭanga nimin thleng khan Mizorama kîr duha inenfiahtir an awm lo.

Lirthei chesualah Mi pahnih thi
Nimin chawhnu dar 2 vel khan World Bank road-a Muallungthu dáiah 207 pick-up chesualin kawng thlangah a lum a, a hmunah driver C Lalpanliana leh a thawhpui Vijay Zoramthara, Ramhlun North ve vete an thi. Thu dawn danin, pick-up hi D-3 Business Enterprise ta a ni a, Lungleia bungrua an dah zo, Aizawl pana an haw an ni.