Aizawlah Mega Mock Drill

Aizawl District Disaster Management Authority (ADDMA) huaihawtin, nimin khan Aizawlah lirnghing thlen thulha chhanchhuah hna thawh dan a taka entirna, Mega Mock Drill & Emergency Drill neih a ni.

Chawhma dar 10:30-ah Aizawl Bawrhsap pisa aṭangin siren tihrîk a ni a; Incident Reponse System (IRS) hnuaia mawhphurhna hrang hrang neite'n chhanchhuah hna a takin an entir. National Disaster Management Authority (NDMA)-a senior consultant Shivaji Singh-a'n a enpui a ni.

IRS-ah hian state level-a responsible officer chu Chief Secretary a nni a, Disaster Management & Rehabilitation (DMR) secretary chu incident commander a ni. Aizawl district bikah chuan DC Dr Franklin Laltinkhuma chu responsible officer niin, additional DC Lalchungnunga chu incident commander a ni thung.

Mock Drill-ah hian Aizawl chu lìrnghîng magniture 7-a náin a sâwi ang leh epicenter chu Aizawl aṭanga km. 10-a hla Muthi bula lei hnuai km. 30-a thûka inṭan anga ngaiin, lirnghingin chhiatna a thlena chhanchhuah hna thawh dan entir a ni.

Lirnghing avangin Aizawl hmun hrang hrangah leimin te, mimal in leh sikul inte, sumdawnna hmunte chim ang leh kangmei nasa tak chhuak anga ngaiin chhanchhuah hna thawh a ni.

Ppolice, traffic, MPRO, State Disaster response Force, Fire & Emergency Service, Sports & Youth Services-a Adventure Wing-te'n chhanchhuah hna an thawk. Aizawl Civil Hospital leh private hospital pali-te bakah, PWD, PHE, Health department, NDRF, Central YMA leh local council-te'n an puibàwm bawk.

Mega Mock Drill & Emergency Drill-ah hian mi 600 chuang an inhnamhnawih a ni.