Tangkhangte an haw thei dawn

Chief secretary Lalnunmawia Chuaungo chuan Aizawl City Local Council Association, All Mizoram Village Council Association leh Mizoram NGO Coordination Committee-a constituent member hruaitute Secretariat conference hall-ah a kāwm.

Lockdown vanga Mi zorama khaw danga tangkhangte an khua ṭheuha an haw theihna turin vawiin aṭangin hun hawn an remti. Mahni khuaa hawna tur hian awm mekna task force leh hawna tura task force-te remtihna lak hmasak a ngai dawn a; hawna tur chu mahnia inngaihtuah tur a ni.

He phalna hian zin satliah ang chi a huam lo thung. Mizoram khaw hrang hranga lockdown vanga tangkhangte chu Covid-19 kai lan chhuah theihna hun chhung (incubation pe riod) lockdown chhunga a zawh tawh avangin Covid-19 hripui lakah an hima ngaih a ni a; an hawna tur khuaah dah hran (quarantine) a ṭul loa ngaih a ni.