HSRP siam ṭhat man tihniam turin hriattir

MNF ṭhalaite chuan Mizorama high security registration plate (HSRP) siam hna thawktu, Shimnit Utsch company chu number plate chhia siam ṭhat man an lak zat chu July 2015 ral hma ngeia tihniam turin an phût.

MNYF-te hi an pre­sident K Vanlalvena hoin nimin khan Transport directorate-a Shim­nit Utsch company-in num­ber plate an siamnaah an kal a; an thil phût chu hriat­tirin, an phût chu tih­hlawhtlin a nih loh chuan a ṭul anga bawhzui an tum thu an hrilh a ni.

K Vanlalvena chuan, lirthei thara HSRP vuahna man chu bike-ah Rs. 668, scooty-ah Rs. 669, three wheeler-ah Rs. 940, four wheeler-ah Rs. 945 a ni tih sawiin, HSRP chu a chhe hma hle a, thlak a ngai thuai ṭhin niin a sawi a; HSRP chhia thlak man atana company sum lak chu a sang hlea an ngaih thu a sawi.

MNYF President sawi danin, HSRP chhia thlak man hi bike-ah Rs. 1,002, scooty-ah Rs. 1,003, three wheeler Rs. 1,410, four wheeler-ah Rs. 1,417.52 a ni.