CM-in puantah zirna tur lungphum a phum

Ram danga thawn­chhuah tlak, puan leh thil dang tah an zirna hmun tur Handloom Export Facilitation Hub, Thenzawla sak ṭanna tur lungphum chu nimin khan chief minister Lal Thanhawla'n a hawng.

Chief Minister chuan Thenzawl chu Mizoram-a handloom khawpui pakhat mai ni lo, India rama handloom khawpui pakhat ni tura buatsaih mek a nih thu sawiin, mipate chu puantah uar deuh deuh turin a sawm.

Industries minister H Rohluna pawhin thu sawiin, "Thenzawl khuaah hian puantaha eizawng mi 1500 vel leh puanbu 1500 chuang a awm. Anniho kum khat chhunga an pawisa hmuh vir vel hi cheng vbc. 10 chuang a tling a ni," a ti.

Lungphum inkhawm­ah hian parliamentary secretary (Industries) Joseph Lalhimpuia leh T Sangkunga, MLA te pawh an tel.

Handloom Export Facilitation Hub-ah hian Integrated Skill Development Scheme hnuaiah ṭum khatah mi 90 velin tunlai thiamna hmangin puan mawi zawka tah chhuah dan leh, puan aṭanga siamchhuah thil dang cheimawi dante an zir thei dawn a ni.