FAO mithiamte'n LADC an zirchiang

United Nations Organization (UNO) hnuaia Food and Agriculture Organisation (FAO) research team-te chuan, nimin khan Lai Autonomous District Council (LADC) an zir chiang.

FAO research team-te hian Lawngtlaiah LADC excutive member pahnih - H Chhuanawma leh Lallura Chinzah te an kâwm a, LADC hnuaia agriculture leh afforestation lama an hmalaknate an sawiho.

FAO research team-te hian Saikah leh Rulkual V/C-te pawh an kâwm a, an ram chhunga ramngaw humhalh leh siam belh tura ṭan an lak dan leh tlang ram lo neih hlâwk zawka kalpui theih nana an hnathawh dante an inzawtfiah a ni.