Tuipui D-ah marboat a service leh ta

Soil & Water Conservation department sum Rs. 3,42,050 sênga siam Chhimtuipui Dazokai (Tuipui 'D')-a mihring leh lirthei thiar kaina tur marboat chu July 15, 2015 khan bialtu MLA John Siamkunga'n hawngin, mipuite hnenah a hlan.

John Siamkunga chuan, mipuite inkalpawh zung zung theihna atana ṭangkai tak tur marboat mipui hnenah hlan a ni ta lawmawm a tih thu a sawi.

SWC divisional officer V Van­lawma'n report a pek danin, marboat hi a dung ft. 30 leh a vâng fts. 7 a ni a, khawl (engine) horse power 9-a chak pahnih hman niin, pick-up full load phur thei tura ruahman a ni. Engine pahnih bik chu Rs. 70,000 man a ni.