John-a'n V/C-te Food Security a hrilhfiah

Food Civil Supply & Consumers Affairs (FCSCA) minister John Ro­tluangliana chuan tun hnai khan Rawpuichhip, Dapchhuah, Dampui, Mamit leh Lengpuia village council member-te a kâwm a, Food Security Act (FSA) chungchang a hrilhfiah.

John Rotluanglian­a chuan, FSA-in mi 7,06,000 a huam dawn tih sawiin, "FSA hman a nih hun chuan BPL awm tawh loin, AAY chauh an awm tawh ang a, AAY hian thla tin buhfai kg. 35 an dawng thei dawn a ni," a ti a; FSA-in a huam lohte'n dan pangngaia buhfai an dawn theih dan tur sorkarin a ngaihtuah tih a sawi.

FCSCA Minister chuan, khaw hrang hrang hruaitute chu an khaw chhungah FSA-in a huam turte thlangtu tur selection committee din turin a hrilh a, mahni party mi leh sa chauh thlang lo a, a mamawhtu dik takte thlang turin a chah a ni.