ATC-in Valedictory Service hmang

Aizawl Theological College (ATC) chuan nimin khan kumina zirlai zir zo turte thlahna hun, Valedictory Service an hmang a, zirlai 78 an thlah.

ATC Chapel-a Valedictory Service hi ATC principal Rev. Prof. Tlanghmingthanga'n a kaihruai a; Synod moderator Rev. RC Lalnghakliana'n zir chhuak turte thlahna leh fuihna thu sawiin, zirlai ti ṭhate hnenah Synod secretary Upa Vanlalsawma Siakeng-in lawmman a hlan.

ATC zirlai chhuak turte chu BD 29, MTh 31, DTh 13 leh DCPC 5 an ni a; Mizoram chhung leh pawna kohhran hrang hrang - Presbyterian, Baptist, Salvation Army, Evangelical Church of Maraland, Methodist, UPC leh CSI aṭanga zir an ni.