Mitdelte tan eizawnna siamsak duh

Mizoram Blind Society (MBS) chuan nimin khan White Stone Conference Hall, Aizawlah Annual Conference an hmang a; MBS member mitdel leh khaw hmu fiah lo, khawsak harsate tan CM Special Package leh Bána Kaih hnuaiah eizawnna siamsak ni se an duh thu an tarlang.

MBS Annual Confe-rence-ah hian resolution an siam a; MBS member mitdel leh khaw hmu fiah lo, khawsak harsa zawkte'n CM Special Package leh Bána Kaih kaltlanga eizawnna ngêlnghet leh ṭha zawk ngaihtuahsak an duh thu an tarlang. Mizoram mi dik tak mitdel, eizawnna mumal neih loh vanga khawlaia eizawngte tan eizawnna mumal zawk sorkarin ngaihtuahsak se an duh thu te, midelte tan skill development centre ṭha leh rintlak sorkarin dinsak se an duh thute an tarlang bawk.

Conference-ah hian MBS chuan an pawl din champha an lawm nghal a; Women and Child Development nen ṭang dunin danin hmeichhiate dikna chanvo leh hamṭhatna a pekte zirhona hun hman a ni.