International Women's Day hmang

Saitual District Hub for Empowerment of Women buatsaihin nimin khan Saitual Chawnpui YMA Hall-ah International Women's Day hman a ni a, district bawrhsap Dr Lalngura Tlau-in hmanpuiin, hmeichhia ṭanpui ngaite tan kal khawmte chu ding zel turin a chah.

Dr Lalngura Tlau chuan, Mizo hmeichhiate chu zirna, ei leh bar zawnna leh sumdawnnaah te mipate aiin hma an sawn zawk tih a sawi a, "Mahse, hmeichhe chunga hleilenna a la tam hle. Hmeichhe baihvaite tluk luhna tur One Stop Centre chu Saitualah a awm tawh a, hmeichhe ṭanpui ngaite tan ding zel ang che u," a ti. Hmeichhiate chu an dikna chanvo hria a, misual hrem an nih theih nan report hreh lo tur leh kawng tinrengah hmasawn tum zel turin hmeichhiate a fuih bawk.

International Women's Day lawmna hi DHEW district mission coordinator Mary Malsawmkimi'n a kaihruai a; ATC aṭangin Prof. Lalrindiki leh DHEW gender spe-cialist Lalramhlui ten thupui an sawi a ni.