Sum dinhmun tur a la hriat loh - Finance Commissioner

Mizoram sorkar Finance secretary Vanlalchhuanga chuan, India ram pumah kharkhipna kalpui a nih avangin tun dinhmunah chuan sum leh paiah Mizoramin harsatna a la tawh loh thu a sawi a, "Nakin zela kan dinhmun tur erawh a hriat loh," a ti.

Vanglaini palai zawhna chhangin Vanlalchhuanga chuan, sorkar laip ui aṭanga sum hmuh tur a la tam loh avangin lockdown avangin Mizoramin harsatna a la tawh loh thu a sawi a, "Nakin zelah engtin nge India ram economy a nghawng chhoh dawn hriat a ni lo a, kan hma lam hun tur chu hriat a la ni lo," a ti a; hun kal zelah lockdown-in Mizoram sum leh pai dinhmun a nghawng dan hriat a nih chauh tur thu a sawi. Finance Secretary sawi danin, kumin March thla atana sorkar hnathawk hlawh tur tihfel vek hman a ni a, April 8 aṭang khan sorkar hnathawkte hlawh chu thun ṭan a ni