World TB Day hman a ni; TB free village 122 a awm mek
Nimin kha World TB Day a ni a, Mizoramah pawh district hrang hrangah hman niin, Aizawlah chuan Health & Family Welfare minister Lalrinpuii hoin DHME Auditorium-ah hman a ni. Mizoramah TB vei awm lohna khua (TB free village) 122 a awm mek.
HFW Minister chuan, kum 2024 chhungin Mizoramah TB vei awm lohna khua 122 a awm tih sawiin, TB vei awm lohna khua ni zel tura ṭan la turin a fuih a, "TB hi mahni ngawta doa ûm bo theih a nih loh avangin ṭanrual hi kan chakna tur a ni a, kan thâ leh zung seng khawm ila kan ûm bo thei ngei ang," a ti.
Ngawr (TB) chu tihdam theih a nih thu leh hmanraw ṭha ber ber hmanga hmuh chhuahna khawlte Mizoramah hman a nih tawh thu sawiin Lalrinpuii chuan, "TB natna hi WHO chuan kum 2030-ah ûm bo a tum a, India ram chuan kum 2025-ah ûm bo a tum. TB ûm bo tumna hi a hlawhtlin theih nan hmalakna hrang hrang neih a ni," a ti a; Nikshay Mitra campaing lamah ṭan la lehzual turin thawktute a chah.
Health Minister chuan, Mizoram Universal Health Care Scheme (MUHCS) hman ṭan a nih dawn avangin damdawi-inte an buatsaih nasat thu sawiin, "MUHCS kan neih thar dawn avangin damdawi-inte kan tlawh kual. ZMCH-ah sawn general ward-ah khum 52 kan dah belh dawn a, ICU-ah 13 leh cardiology-ah paruk bakah, cabin 30 la function lote kan function tir dawn," a ti a; damdawi-in dangah pawh hmanrua leh thil dang mamawhte damlote hman theih tura buatsaih mek a nih thu a sawi.
Tarlan danin, Mizoram pumah kum 2024 chhung khan mi 26,343 endik zinga 2,313-in TB an vei tih hmuh chhuah a ni a; TB vei hmuh chhuah zinga mi 270 chu HIV+ve niin, mi 150 chu MDR-TB vei an ni. TB vei enkawl zinga mi 148 an thi a, enkawl dam 80% an ni.
| TB FREE VILLAGE 2024 | ||
| No | District | Khua/VC |
| 1 | Aizawl | Sumsuih |
| 2 | Lamchhip | |
| 3 | N Lungleng | |
| 4 | Samtlang | |
| 5 | Daido | |
| 6 | Ruallung | |
| 7 | Khanpui | |
| 8 | E Phaileng | |
| 1 | Lunglei | Mualthuam N |
| 2 | Sekhum | |
| 3 | Sairep | |
| 4 | Thuampui | |
| 5 | Ralvawng | |
| 6 | Hlumte | |
| 7 | Thaizawl | |
| 8 | Bualte | |
| 9 | Theiriat | |
| 10 | Hrangchalkawn | |
| 11 | Ramlaitui | |
| 12 | Farm Veng | |
| 13 | Kawlhawk | |
| 14 | Serte | |
| 15 | Sertlangpui | |
| 16 | S Khawlek | |
| 17 | Nghakuksora | |
| 18 | Kawrpuichhuah | |
| 19 | Denlung | |
| 20 | Phaileng South | |
| 21 | Old Ngharchhip | |
| 22 | Khawhri | |
| 1 | Siaha | Amobyu-B |
| 2 | Lobo | |
| 3 | Tisopi | |
| 4 | Riasikah | |
| 5 | Siata | |
| 6 | Thosai | |
| 7 | Ahmypi | |
| 8 | Bymari | |
| 9 | Kiasie | |
| 10 | Khaikhy | |
| 11 | Lodaw | |
| 12 | Miepu | |
| 13 | New Laty | |
| 14 | New saikao | |
| 15 | Siatlai | |
| 16 | Tisi | |
| 17 | Tipa B | |
| 18 | Tipi Ferry | |
| 1 | Champhai | Lungphunlian |
| 2 | N Diltlang | |
| 3 | Hrianghmun | |
| 4 | Chhungte | |
| 5 | Jail Veng | |
| 6 | Riangtlei | |
| 7 | Tlangnuam | |
| 8 | Ngaizawl | |
| 9 | Dulte | |
| 10 | Khuallen | |
| 11 | N Chalrang | |
| 12 | Aiduzawl | |
| 13 | Vanchengpui | |
| 14 | Pawlrang | |
| 15 | Kawlbem | |
| 16 | Khawkawn | |
| 17 | Sazep | |
| 18 | Zawlsei | |
| 19 | Thekpui | |
| 20 | Saikhumphai | |
| 1 | Kolasib | Lungdai |
| 2 | Serkhan | |
| 3 | Nisapui | |
| 4 | Lungmuat | |
| 5 | N Chaltlang | |
| 6 | N Chaltlang-II | |
| 7 | Bukpui | |
| 8 | Thingthelh | |
| 9 | N Hlimen | |
| 10 | Hortoki | |
| 11 | Kawnpui-I | |
| 12 | Kawnpui-III | |
| 13 | Kawnpui Venglai | |
| 14 | Project Veng | |
| 15 | New Builum | |
| 16 | Gosen Veng | |
| 17 | Saihapui K | |
| 18 | Bukvannei | |
| 19 | N Thinglian | |
| 20 | Pangbalkawn | |
| 21 | Meidum | |
| 22 | Bairabi South | |
| 23 | Bilkhawthlir South | |
| 24 | N Chawnpui | |
| 25 | Saiphai | |
| 26 | Saipum | |
| 27 | Vairengte-IV | |
| 28 | Phainuam | |
| 1 | Serchhip | Bungtlang |
| 2 | Lungpho | |
| 3 | Ngentiang | |
| 4 | Serchhip Field | |
| 5 | Khumtung | |
| 6 | Hmuntha | |
| 7 | Lungkawlh | |
| 8 | Sailulak | |
| 9 | Leng | |
| 1 | Mamit | Tuahzawl |
| 2 | Chungtlang | |
| 3 | Rulpuihlim | |
| 4 | Darlung | |
| 5 | S. Sabual | |
| 6 | W Lungdar | |
| 7 | W Phulpui | |
| 8 | Pukzing | |
| 9 | Pukzing Vengthar | |
| 10 | Lallen | |
| 11 | Chhippui I | |
| 12 | Chhippui II | |
| 13 | Nalzawl | |
| 14 | Suarhliap | |
| 15 | West Bunghmun | |
| 16 | Borai | |
| 17 | Luimawi | |