Rural Development dept-a thawktute chu mipui tan dawr an nuam tur a ni - RD Minister

Rural Development minister Prof. Lalnilawma chuan nimin khan Thingsulthliah RD Block kum 50 tlin lawmna a hmanpui a; RD department hnuaia thawktute chu mipui tana dawr nuam leh hawihhawm ni turin a chah.

Prof. Lalnilawma chuan, Rural Development department chu thingtlang mite tihhmasawnna leh chawikanna atana thawk sorkar department a nih thu a sawi a, "Rural Development department-a thawktute chu an hawihhawm tur a ni a, mipui tan dawr an nuam bawk tur a ni. Thingtlang mite tan RD-in ṭha taka hna a thawh chhunzawm zel theih nan mipui thlawpna leh thawhpuina a pawimawh," a ti.

Thingsulthliah RD Block hi January 4, 1974 khan hawn a ni a; a tirah Community Development Block tih niin, kum 1984 khan RD Block tia thlak a ni. He RD Block-ah hian BDO 33 an awm tawh a ni.