Baryl Vanneihsangi hnenah 'Annual FLO Women Achiever’s Award, 2025' hlan

26th March, 2025

Federation of Indian Chamber of Commerce and Industries (FICCI) hnuaia Women’s Wing, FLO chuan March 24, Thawhṭanni zan khan Taj, Vivanta Hotel, Guwahati-ah hmarchhak state hmeichhe hlawhtlingte chawimawina hun an buatsaih a; Aizawl South-III bialtu MLA Baryl Vanneihsangi hnenah 'Annual FLO Women Achiever’s Award, 2025' hlan a ni.

Baryl Vanneihsangi chuan award dawng tura thlan a ni chu hlu a tih thu sawiin, hmeichhiate politics-a ngaihhlut leh zah an nih theihna tura mahni hmun ṭheuha ṭanla turin kalkhawmte a chah.