Union Health Minister-ah Mizoram mamawhte thlen
Nimin khan Union Health minister Dr Harsh Vardhan hoin state hrang hranga health minister-te leh department offi cial-te'n video conferencing hmangin Covid-19 donaa hmalak dan leh hmachhawpte an sawiho. Health minister Dr R Lalthangliana pawh a tel a, Mizoram dinhmun sawiin, mamawhte a thlen nghal.
Dr R Lalthangliana chuan, Zoram Medical College (ZMC)-a Covid-19 Testing Laboratory din a nih theihna tura sorkar laipuiin a puihnaah leh Mizoram harsatna phuhru tura ṭanpuina sum a pek avangin lawmthu a sawi a; ZMC leh Aizawl Civil Hospital bak, district hospital dangahte ICU din a nih thuai theih nan chak taka hmalakpui turin Union Health Minister a ngen. Health Minister hi Health secre tary H Lalengmawia, NHM mission director Dr Eric Zomawia leh state nodal offi cer (Covid-19) Dr Pachuau Lalmalsawma ten an ṭawia wm a; video conferencing zawha h Aizawl veng hrang hranga local task force leh police duty-te an tlawh kual nghal a ni.
HEALTH MINISTER THU THLENTE
• Mizoramin international border km. 722-a thui a neih avang leh ṭhenawm state-ah Covid-19 vei hmuh an tam chak avangin screening test tih zung zung theih nan Covid-19 test-na rang chi - Rapid Antibody Test leh Trunat Test tam tawk pe turin.
• PCR test kit ṭhahnem tak pek belh leh thuai turin.
• Mizoram district hrang hrangah microbio logist leh epidemiologist mamawh belh thu.
• District hrang hrang tan Basic Life Support Ambulance (BLSA) mamawh thu.
• Thawktute veivah zung zungna tur lirthei leh sample dahṭhatna Ice-lined Refrigerators (ILR)/deep freezer mamawh belh thu.
• NHM leh Health department-ah fund tam zawk pe turin.
• Covid-19 enkawlna tur chhâwng thum - Covid Care Centre (CCC), Dedicated Covid Health Centre (DCHC) leh Dedicated Covid Hospital (DCH)-te siamna tur pawimawhte ngaihtuahpui turin.