Hand sanitizer-ah fimkhur a ngai

Health Services joint director (Food & Drugs) Lalsawma chuan, hand sanitizer-ah fimkhur a ngaih thu sawiin, "Hmun khata mi kan endik tawh a, a dik lo. Kan endik zel dawn," a ti. Lalsawma chuan, mimal pakhat hand sanitizer chu lain an endik tawh thu Vanglaini palai zawhna chhángin a sawi a, "A nih tur ang a ni lo tih kan fi nfi ah tawh. Miin an remhriatna hmanga an lo siam ve a, natna hrik laka a him chuan si loh chuan awmzia a awm lo.

Chuvangin, kan endik zel dawn," a ti a; World Health Organisation guideline anga siam chu an ngaih pawimawh ber a nih thu a sawi. All India Drugs Controller group-ah pawh member-te buaina ber chu hand sanitizer dik tâwk lo tam lutuk a nih thu sawiin Lalsawma chuan, "State dang aṭanga lak luhte pawh endik zel kan tum. Tun ang mipui mangan tawh, an hmuh apiang an lei tawhah hian hand sanitizer him chuang si lo an lei ang tih kan hlau a ni," a ti.