Puanṭhui khawl leh hmanraw dang sem

Khadi & Village Industries Commission, Mumbai huaihawtin nimin khan KVIC Gramadyog Vikas Yajona hnuaia puanṭhui (tailoring) training chhuak tawh mi 20 henah puanthui khawl leh hmanraw pawimawh dangte, Mizoram KVI Board Training Centre, MDTC, Zemabawkah sem a ni.

Puanṭhui khawl leh hmanraw pawimawh dang sem inkhawm hi KVIC chairman Manoj Kumar-a'n online-in a hmanpui a, hmanruate a sem. Hemi rual hian KVIC hmalakna, PMEGP-a beneficiaries hlawhtlingte tan margin money a pechhuak a, artisan-te tan work shed leh sales outlet-te a hawng nghal.

Mizoram KVIC director Asish Modak, CEO JH Lalbiakliana, dy. director Zodinpuii leh MDTC principal Hnamhlunchhungate pawh an tel.

Tun dinhmunah MDTC,Zemabawkah hian trade hrang hrang 11 ah training theih a ni a, June 3, 2025 thleng dilna thehluh theih a ni a, June 7 2025 aṭangin training tan tur a ni.