Ṭamdilah sangha note chhuah

Ṭawi bialtu Prof. Lalnilawma, minister of state chuan nimin khan Ṭamdil Fish Seed Farm aṭanga thar sangha (Indian major carp) note 10,000 vel Ṭamdilah a chhuah. Sanghate hi Saitual DFDO Zomuansangi leh thawktute'n July 15, 2024 khan IMC induced breeding neiin, sangha note 30,000-40,000 vel thar chhuah a ni a, nursery-ah khawi len phawt an nih hnuah nimni khan dilah hian chhuah an ni. He hunah hian Champhai South bialtu MLA Lt. Col. Clement Lalhmingthanga leh sorkar hotu dangte an tel.