Aizawl SP-in Aizawla seal siamtute a kawm; Seal siamtute zawm tur hriattirna a tichhuak

Aizawl SP Rex Zarzoliana Vanchhawng chuan nimin khan SP conference hall-ah Aizawl khawpuia seal siamtute ko khawmin, seal siam chungchanga dan zawm tur leh fimkhur ngaihna laite a sawipui a; seal siam chungchanga zawm tur hriattirna a tichhuak nghal.

Rex Zarzoliana chuan, lehkha pawimawh (document) lem siam nan leh inbumna atana seal lem siam chu dan bawhchhiatna a nih thu a sawi a, "Document lem siamna atana hman tura seal lem siam emaw, chutiang seal lem dik lo taka hman tumna rilru nei chunga seal kawlte hi dan hmanga thubuai siamsaka hrem theih an ni," a ti a, BNS, 2023 Section 341 hmangin damchhung lungin tan thlenga hrem theih an niih thu a tarlang.