Covid-19 kai belh awm lo zel

April 9-10 (Ningani leh Zirtawpni) chhung khan ZMC-a Covid-19 Testing Labo ratory-ah mi 13-te throat swab sample endik a ni a, Covid-19 kai an awm lo. ZMC-State Referral Hospital Bulletin-in a tarlan danin, ni hnih chhunga sample endik zingah hian Ebenezer Hospital-a damlo, Covid-19 a kai palh hlauhthawn thila State Referral Hospital-a April 8-a sawn pawh a tel a, Covid-19 a kai loh avangin Ebenezer Hospital lamah dah lêt leh a ni.

Endik zingah hian Lunglei aṭanga sample thawnte a tel bawk. State Referral Hospital ICU-a Covid-19 vei damlo enkawl mek chu zawi zawiin ziaawm lam a pan zel tih tarlan a ni a, "ICU-a damlo tih loh chu Covid-19 rinhlelh damlo enkawl lai an awm lo," an ti.