Pawisa lâktir turin ngen

Lunglei DC chuan, Prandhan Mantri Garib Kalyan Yojana (PMGKY) hnuaia ṭanpuina dawngtute'n pawisa an lak chhuaha an hman ṭangkai theih nan village task force (VTF)-te chu an khua/venga mite a zau thei ang bera hriattir tur leh ruahmanna siamsak turin a ngen. Ṭanpuina hi SBI branch hrang hrangah leh mahni account neihna bank-ah a lâk theih a ni. Union Finance minister Nirmala Sitharaman chuan March 26, 2020 khan Covid-19 vanga harsatna tawkte puih nan PMGKY hnuaiah inziak lutte chu Rs. 500 ṭheuh ṭanpuina pek an nih tur thu a puang a; April 3 aṭang khan PMGKY-a inziak lutte bank accountah pawisa thunsak a ni.