Lunglei dist-ah inkhung hrang mek mi 12 la awm

.Lunglei District Task Force (DTF) member-te chuan April 9 khan group pahniha inṭhenin Lunglei khawpuia village task force (VTF)-te an tlawh kual a, veng tinah duty-te tan hmai tuamna an sem. Lunglei district-ah hian inkhung hrang mek mi 12 an la awm.

Sorkar thuchhuah tarlan danin, Lunglei district-ah hian VTF 129 a awm a, chu'ngte chu V/C 113 leh sub-village 16 a ni. VTF tinin sorkar aṭangin task force support fund Rs. 5,000 ṭheuh an dawn bakah, mimal, pawl leh kohhran aṭangin ṭanpuina eng emaw zat an dawng tawh a ni.

Lunglei district-ah inkhung hrang mek mi 12 an la awm a, chu'ngte chu mahni ina inkhung hrang (home quarantine) mi 11 leh sorkar ruahman quarantine facility-ah dah mi pakhat an ni. Lunglei district-ah hian mi 718-in quarantine period an zo tawh a, insawiselna an neih loh avangin an inah ṭheuh hawtir an ni