KHUARÈL CHHIATNA

 Nimin zing khawvar hma, dar 2-3 inkar khan Pangzawl khua leh a chhehvelah thli, ruah leh rial thawk vangin Pangzawlah chenna chhia eng emaw zat  a awm a, in chung chhia thawm ṭhat ngai 75 a awm. In thawm ṭhat ngaite chu nimin khan VC leh YMA ruahmannain khawtlang mipuiin hnatlangin an thawm ṭha nghal.

Chhiatna thleng hi Hnahthial BDO leh SDC H Lalramliana chuan nimin khan a hmunah a enfiah nghal a, chhiat tâwkte chu sorkar aṭanga ṭanpuina awm angte pek an nih tur thu sawiin, a ṭula hman tur silpauline a pe hlawm a ni. Bialtu MLA Dr Vanlalṭanpuia'n hnatlangte tan a ṭula hman turin Rs. 5,500 a pe bawk.