Hnam dang leh ram dang mi enfiah

YMA, Khawzawl Dinthar Branch hnuaia Kumpuan Committee hmalaknain March 29, Inrinni khan an huam chhunga hnam dang leh ram dang mi awmte enfiah a ni.

Khawzawl Dinthar Branch YMA hian an huam chhunga ram dang mi, a bikin Myanmar buai vanga rawn raltlante chu an hming an la vek a; buaina leh harsatna siam zawnga an awm thâwm hriat tur a awm a nih chuan an veng chhungah awm a rem loh tur thu an hrilh. In neitute chu pém lehkha nei lote an in luahtir lo turin an ngen nghal a, pém lehkha nei lo in luahtir an awm a, harsatna a awm a nih chuan an sawisel theih loh tur thu an hriattir bawk.

Khawzawl Dinthar Veng huam chhungah hian hnam dang panga, raltlan 15 leh raltlan ni chiah lo Myanmar aṭanga awm mi panga an awm mek a ni.