Jail tâng tlan chhuak man

Kolasib District Jail aṭanga March 30, 2025-a tlan chhuak Seikholen Khingsai (45) s/o Hemkhawthang leh a tlan chhuah theihna tura puitu a unaupa Ngamgin Khongsai (52) s/o Hemkhawthang chu Kolasib district police-te'n March 30, Pathianni zan khan Silchar-ah an man.

Vanglaini thu dawn danin, Seikholen Khingsai hi ruihhlo vanga man, a thubuai ngaihtuah lai mek a ni a; March 30, 2025 chhun dar 12 vel khan jail aṭangin a tlan chhuak a ni. Police-te'n an chhui zui nghal a, March 30 zan dar 8 vel khan Seikholen Khingsai leh a unaupa Ngamgin Khongsai chu Silchar-ah an man a ni. Thu an zawhfiah hnuah nimin khan jail-ah an dah lut.

Ngamgin Khongsai hian a unaupa Seikholen Khingsai hi jail aṭanga a tlan chhuah theihna atan hmanraw hrang hrangte a pe ru ṭhin a ni.