Kuminah ASF vangin vawk 656 thi tawh

Mizoramah December 2024 thla chawhnu lam aṭangin vawk pùl hri, African Swine Fever (ASF) vanga vawk thi a awm tawh lo a, March 2025 thla laihâwl vel aṭangin ASF vanga vawk thi a awm leh ṭan. Kumin 2025-ah ASF vanga vawk thi leh suat 656 a awm tawh.

Animal Husbandry & Veterinary (AH&Vety) department-in report a dawn tawh chinah kumin March thla laihawl aṭanga nimin thleng khan Mizoramah ASF vangin vawk 549 a thi tawh a, hri darh zel tur ven nan vawk 107 suat a ni tawh. Thla chanve vel chhunga Mizorama ASF vanga vawk thi leh suat zat chu 656 a tling.

Kumina ASF lênnate chu Mamit district-a khaw pakhat leh Lawngtlai district-a khua/veng 12 a ni a; ASF lênna khua/veng 13 zingah hian Lawngtlai district-a Bungtlang South khuaah vawk 136 a thi tawh a, kumin bika hri vanga vawk thi tam berna khua a ni.