MRB-in ṭanpuina an hlân

Mizoram Rural Bank chuan corporate social responsibility (CSR) kaltlangin nimin khan pawl leh pisa pathum hnenah thilpek an hlân.

MRB hian Vaivakawn Police Station hnenah 3KVA Online UPS pakhat, Ephatha Society for the Deaf and Hard of Hearing hnenah Rs 50,000 leh, Samaritan Society for the Blind hnenah steel almirah pahnih an hlan a ni.

Thilpek hlanna inkhawm hi MRB Head Office-ah neih a ni a, MRB manager (FI) V Lalrinmawia, CSR Committee member secretary ni bawkin a kaihruai. MRB chairman Sheryl L Vanchhong chuan, India rama regional rural bank (RRB) 43 zingah MRB chu CSR pe ṭha ber zinga mi a nih thu leh, mamawhtute tan a theih ang angin MRB a luan chhuah ṭhin thu a sawi.

Aizawl SP Rex Zarzoliana Vanchhawng pawhin thu sawiin, MRB chu Mizote tana bank ṭangkai tak leh dawr nuam tak an nih thu a sawi a; ṭanpui ngaite leh mamawhtute hnena thil tihsak ṭhin bank an nih thu a sawi bawk.