Lehkha hmanga no siamna hawng

Mamit district bawrhsap K Laltlawmlova chuan nimin khan Mamit Hmarvengah Multipurpose ALF Cooperative Society Ltd. enkawl lehkhapuan hmanga no (dispo cup) siamna khawl, Disposable Paper Cup Machine a hawng.

Lehkhapuan hmanga disposable cup siamna khawl hi Cooperative department-in cheng nuai 22 senga an bun a ni a, sum sen zawng zawng aṭanga 70% chu loan niin, 30% chu subsidy a ni. He khawl hian minute khat chhungin no 100 a siam thei a, darkar khatah no 6,000 a siam thei a ni.

K Laltlawmlova chuan, Mizoram tana disposable cup siam chhuahna hmasa ber tur cooperative society hnuaia Mamit Hmarveng Self Help Group-te'n an enkawl hawn theih a ni ta chu hmasawnna a nih thu a sawi a, ṭangkai taka hman a nih theih nan duhsakna a hlan.

Disposable Cup Machine hawnna hun hi Mamit Hmarveng Multipurpose ALF chairman K Lalzamliani'n a kaihruai a, Mamit DUCO R Lalhmangaihzuali, DVO Dr Saipari Sailo leh DCO Rothangliana te pawhin thu an sawi a ni.