Mizoramah kum 2024 chhungin khualzin 52,235 an rawn lut

Nikum 2024 chhung khan Mizoram tlawh rawn zin mi 52,235 an awm a, chung zinga mi 10,051 chu India ram pawn aṭanga rawn zin niin, mi 42,184 chu ram chhung aṭanga rawn zin an ni thung.

Tourism department chhinchhiah danin, India ram pawn aṭanga khualzin rawn lut 10,051-te chu ram 14 aṭanga rawn kal an ni. Mizorama rawn zin zingah Aizawlah khualzin an tam ber a, ram chhung aṭangin mi 24,559 leh ram pawn aṭangin mi 8,221-in an tlawh.

Tlawhtu ngah ber dawttu chu Champhai district a ni a, ram chhung aṭangin mi 5,003 leh ram pawn aṭangin mi 497-in an tlawh a; pathumna Lunglei district chu ram chhung aṭangin mi 2,714 leh ram pawn aṭangin mi 95-in an tlawh a ni.