Ramria hmunhmate damdawiin phuh

Mizoram leh Tripura inrina Langkaih lei leh Assam nena inrina Medili lei leh a bul velte chu April 11, Inrinni khan damdawi (Sodium Hypocloride) hmanga phuh thianghlim a ni.

Mamit chief medical offi cer (CMO) Dr Vanlalfela chuan Inrinni khan Kanhmun a tlawh a, Langkaih lei gate leh Medili lei leh a bul vel chu damdawi hmanga an phuh bakah, Covid-19 kai an awm palha medical team-in him leh uluk taka hma an lak dan tur an sawiho.

Kanhmun nena inzawm deuh reng Damcherra, Tripura-ah Covid-19 vei hmuh chhuah thar a nih avangin ramri ven hna uluk lehzuala kalpui a ni a; ramria duty turin Kanhmun khuaa ruihhlo leh a kaihhnawih laka fi hlim leh mi rintlak tura ngaih mi 120 thlan chhuah niin, ramri ven hna chhun zan zawmin ngawrh takin an thawk mek a ni. Hetih lai hian, Home department lam pawhin Kanhmun leh state boundary vela duty turin tun hnai khan police eng emaw zat a dah belh a, dah belh zel a la tum nia thu dawn a ni.