Thla 3 chhunga Kolasib district-a thi zingah cancer vanga thi tam ber

‘Kolasib District Quarterly Statistical Bulletin – October to December 2024’ tihchhuah thara a lan danin, October-December 2024 chhung khan Kolasib district-ah nau piang 364 an awm a, mitthi 155 awmin, cancer canga thi an tam ber.

Kolasib District Quarterly Statistical Bulletin – October to December 2024 hi Kolasib District Research Officer buatsaih a ni a, nimin khan Kolasib-a IPRO David A Lalhmingchhuana'n a tlangzarh a ni.

Bulletin thara a lan danin, October-December 2024 chhung khan Kolasib district-ah nau piang 364 an awm a, mipa 205 leh hmeichhia 159 an ni a; mitthi 155 awmin, mipa 94 leh hmeichhia 61 an ni. Mitthi 155 zinga 20 (12.90%) chu cancer vanga thi niin, cancer hi thih chhan tam ber a ni a; thin ṭha lo (liver failure) vanga thi 19 leh heart disease/attack vanga thi 17 an awm bawk.