Banana fibre extraction project sawiho

Horticulture director CH Lalmuanpuia chuan April 4, 2025 khan tun hnaia Horticulture department-in Chief Minister's Innovation Challenge lawmman pakhatna an dawnna, balhla aṭanga la duang siam chhuahna, banana fibre extraction project dinna tura hual, Lunglei district-a Mausen khua a tlawh a, khawtlang hruaitute nen hmalak dan tur an sawiho.

Banana fibre extraction project hnuaia balhla kung aṭanga la duang siamna leh chuta ṭanga thil siam chhuahna (production unit) dinna tur hmun atana hual lawk chu Mausen khawtlang hruaitute leh Horticulture Director ten an tlawh a; Bazar tlang leh Mausen YMA ram chhungah Processing Unit-I leh Unit-II bun ni se, an ti.

A hmun tur hi Mausen khawtlangin hnatlanga sâm faiin an lo buatsaih lawk tawh a, vantlang tana hnawk lo leh hmun tlawh nuam taka cheibawl tum a ni.

Mausen khuaa Hrangkuala Hall-ah project kalphung inhrilhfiahna buatsaih a ni a; CH Lalmuanpuia chuan, project chu Horticulture hnuaia ramin a mamawh thil chher chhuahna project a nih angin Horticulture department chuan a hmunhma buatsaih bakah, infrastructure lam - processing unit, packing house, kudam siam leh a chhawrtu turte tana thiam zirtirna training buatsaihte a hma thei ang bera bul ṭan an tum thu a sawi.

Balhla hi district khat, thar chhuah chi khat (One District One Product) hnuaia Lunglei district-in an kalpui mek a ni.Banana fibre extraction project sawiho