KHAWTHLIR

Ui lak luh khap

Saitual District Magistrate chuan hriattirna chhuahin, ui a hri (rabies) lêng laka him nan Saitual district-ah state pawn aṭangin ui lak luh khap a nih thu a tarlang a; ui vulhtute chu an ui vulhte hri danna (rabies vaccine) laktir vek turin a hriattir. Churachandpur (Manipur)-ah ui a hri a lên mek thu te, thupek bawhchhiate hrem theih an nih thu te, khawlaiah ui chhuah zalen phal a nih loh thu te, ui khuahkhirh lohin mi a seh chuan dan hmangin ui neitu thla 6 chhung tantir leh Rs 5,000 thleng chawitir theih a nih thute a tarlang.

Fur atan inbuatsaih

Saitual District Disaster Management Authority chairman Dr Lalngura Tlau, district bawrhsap kaihhruaiin nimin khan sorkar hotute'n fûr thlen huna chhiatna thleng thei laka Saitual district himna atana inpuahchahna turte an sawiho. Bawrhsap chuan, khuarel chhiatna a thlen palh pawha kawlphetha, tui, kawng, buhfai, hriselna kaihhnawih leh thil dangah harsatna a awm loh nan mahni zawn ṭheuhah inpuahchah turin a kaihhnawih department-te a chah.