Serchhip BDO pisa thar hawng

Rural Development minister Prof. Lalnilawma chuan nimin khan Serchhip P&E Vengah Serchhip BDO pisa thar a hawng. Minister chuan, thawktute chu Zo nun ze mawi - hawihhawmna nen ṭha taka hna thawk turin a chah.

Prof. Lalnilawma chuan, office thar leh mawinaah duhtawk mai lo turin thawktute a chah a, "Zo nun ze mawi - hawihhawmna nen ṭha takin hna thawk ang che u. Tunlaia tuihna tlem zel tihziaawmna turin Sarovar 2.0 hnuaiah chak taka hmalak a ni a, mirethei in sak ṭanpuina PMAY scheme kaltlangin hmalak mek a nih bakah, Rural E-Library changtlung nei turin hmalak mek a ni," a ti.

Hawnna inkhawma tarlan danin, Serchhip BDO pisa thar hi MGNREGA material component aṭangin Rs 2,24,55,000 sênga sak a ni a; April 7, 2024-ah sak ṭan niin, April 7, 2025-ah sak zawh a ni.

Serchhip RD Block hian chhungkaw 525 hnenah PMAY(G) scheme aṭangin in sak ṭanpuina chhungkaw 525 an pe tawh a, ni 100 inhlawhna (MGNREGA) hnuaiah khaw 44 enkawlin, job card nei mi 12,746 an awm.